Kom i gang: første scene

Du finn ei adresse, avgrensar området og teiknar eit bygg. Då har du ein 3D-scene av tomta som du kan byggje vidare på.
Lag scenen og teikn det første bygget
-
Opne 3D-designar frå menyen i Placepoint Fusion. Klikk Ny og vel Ny scene. Kartet går over i fullskjerm med ei firkanta ramme.

-
Skriv ei adresse i søkjefeltet, til dømes «Nordnesparken, Bergen», og klikk treffet Nordnesparken 38. Kartet flyg dit.

-
Panorer og zoom til ramma dekkjer området du treng. «Totalt areal» over ramma viser storleiken. Ramma kan vere frå 10 000 m² til 1,00 km².

-
Klikk Opprett scene. Scenen opnar seg i 2D etter nokre sekund, og bygningar og tre i omgivnadene blir lasta inn etter kvart.
-
Klikk Bygningar i verktøylinja, vel Bygning og klikk fire hjørne i kartet. Trykk Enter. Medan du teiknar, viser kartet lengda på kvar side og arealet.


-
Skriv 4 i det første feltet i «Etasjar × høgd» og klikk 3D. Bygget står på tomta, og du ser det saman med bygningane rundt.

Du treng ikkje lagre. Scenen ligg på serveren og heiter «Scene» med første ledige nummer. Klikk Rediger namn og beskriving i redigeringsramma for å gi han eit eige namn.

Sjå bygget frå andre vinklar
Zoom med musehjulet. Dra med høgre museknapp for å vri og vippe kartet.

Sjå også
- Teikn bygg for tak, fasade, funksjon, bygningslinje og tomterekke. Det er neste steg.
- Alle verktøy og innstillingar for ramma og grensene for storleik
- Scener, mapper og lagring for å halde orden når du har fleire scener



