Reisedistanse
Reisedistanse teiknar ein isokron: flata du rekk innanfor eit gitt tidsbudsjett eller ein gitt avstand frå eit punkt i kartet. Flata følgjer vegnettet og rutetabellane, ikkje ein sirkel rundt punktet. Verktøyet ligg i høgre verktøyrail, og du kan òg starte det frå kartet: høgreklikk der du vil rekne frå, og vel Travel time analysis i menyen som kjem opp.
Panelet har tre faner:
| Fane | Kva fanen svarar på |
|---|---|
| Area | Kor langt kjem du på eit gitt tal minutt frå punktet? Flata er ein isokron for reisetid. |
| Distance | Kor langt kjem du på eit gitt tal meter eller kilometer langs vegen? Same flate, men avgrensa på avstand. Berre reisemåtar utan rutetabell: Bil, Gange, Sykkel, Car + ferry og Cycling + ferry. |
| A to B | Rute, reisetid og avstand mellom to punkt du klikkar i kartet. Dra A eller B for å flytte dei. |
Slik brukar du det
- Høgreklikk punktet i kartet og vel Travel time analysis, eller klikk Reisedistanse i høgre verktøyrail og deretter punktet i kartet. Lukk eigedomspanelet først om det dekkjer verktøyrailen.
- Vel reisemåte i nedtrekkslista: Bil, Buss, Gange, Offentlig transport, Tog, Sykkel, Coach (ekspressbuss), Car + ferry eller Cycling + ferry. Nokre av vala blir førebels viste på engelsk. Bil følgjer fartsgrensene, kollektivvala følgjer rutetabellen, gange blir rekna med 5 km/t og sykkel med 20 km/t. Tabellen under Reisemåtar og fartsføresetnader har alle ni.
- Vel Avgang (reis herifrå) eller Ankomst (kom hit innan), og set tidspunktet. Det avgjer kva avgangar som tel.
- Set Varighet i timar og minutt, frå eitt minutt til fire timar, eller avstanden på fanen Distance. Standard er 15 minutt.
- Klikk Oppdater når du endrar noko, og Nullstill kartet for å byrje på nytt. På fanen A to B heiter knappane Update og Reset map. Pluss-knappen legg til fleire isokronar med kvar sin farge, så du kan samanlikne tidsbudsjett eller reisemåtar i same kart. Fargeprikken til venstre for reisemåten opnar ein palett på ti fargar. Oransje er lett å skilje frå kartet.
På fanen A to B klikkar du først A og så B. Ruta blir teikna i kartet, og panelet viser reisetid og avstand for valt reisemåte. Dra eitt av punkta for å flytte det. Ruta blir rekna om med ein gong.
Døme: Fornebu Sentrum
Dømet brukar to isokronar frå same punkt: 15 minutt med bil i grønt og 10 minutt til fots i oransje.
Zoom ut, så blir skilnaden poenget: gangeisokronen dekkjer Fornebu-halvøya, medan bilisokronen strekkjer seg over store delar av Oslo vest og inn mot sentrum.
Slå på kartlag før du teiknar isokronen, så svarar han på kva som ligg innanfor. Her er berre gangeisokronen på 10 minutt teikna, med Daglegvarekjeder, Barnehagar, Grunnskolar og Vidaregåande skular slått på. To barnehagar ligg innanfor flata, Meny og Coop Prix ligg like utanfor grensa, og skulane på Snarøya er utanfor rekkjevidd til fots. Det er like nyttig å sjå kva ti minutt ikkje rekk.
Reisemåtar og fartsføresetnader
Isokronutrekninga brukar faktiske vegdata, ikkje ein konstant fart. Ein bilisokron på 15 minutt strekkjer seg lenger langs motorveg enn langs ein småveg med fartsgrense 50 km/t.
Ni reisemåtar:
| Reisemåte | Følgjer | Fart |
|---|---|---|
| Bil | Vegnettet | Fartsgrensa per vegsegment |
| Buss | Berre bussruter | Rutetabellen |
| Gange | Gangbart nett | 5 km/t |
| Offentlig transport | Alle kollektivmiddel samla, inkludert byte og gange til og frå haldeplass | Rutetabellen, 5 km/t til og frå haldeplass |
| Tog | Berre togruter | Rutetabellen |
| Sykkel | Sykkelveg og veg open for sykkel | 20 km/t på flat veg, lågare i motbakke |
| Coach | Ekspressbuss mellom byar | Rutetabellen |
| Car + ferry | Vegnettet, med bilferjer som del av ruta | Fartsgrensa og ferjetabellen |
| Cycling + ferry | Sykkelveg og veg open for sykkel, med ferjer som del av ruta | 20 km/t og ferjetabellen |
Fartane for gange og sykkel er fastsette av TravelTime, som leverer isokronutrekninga, og du kan ikkje justere dei i Placepoint. Dei tre siste vala blir førebels viste med engelsk namn. Kollektivutrekningane byggjer på den nasjonale rutetabellen til Entur. Buss og Tog er eigne val ved sida av Offentlig transport, så du kan svare på «kvar kjem eg med berre tog» utan at gange og byte blir blanda inn.
Retning: avgang eller ankomst
Isokronen blir rekna frå eit klokkeslett og ein dato, og du vel kva veg tida går:
- Avgang er standard: kor langt kjem eg om eg reiser herifrå på dette tidspunktet.
- Ankomst: kvar må eg starte for å vere framme her på dette tidspunktet.
Valet betyr mest for kollektivt, der avgangane ligg fast i rutetabellen. For bil, sykkel og gange gir dei to som regel nær same flate.
Tidsbudsjett og fleire isokronar
Du set tidsbudsjettet i timar og minutt, med 15 minutt som utgangspunkt. Du kan leggje fleire isokronar i same kart og gi kvar sin farge, til dømes 5, 10 og 15 minutt frå same punkt, eller same tidsbudsjett for bil og kollektivt ved sida av kvarandre. Du kan eksportere resultatet.
Når ein isokron ser uventa ut
Vanlege årsaker:
- Glissent vegnett rundt utgangspunktet. Ein bilbasert isokron blir mindre enn venta.
- Ankomsttidspunkt utanfor rushtida. Reisetida er kortare, isokronen større.
- Offentleg transport midt på natta. Rutene går sjeldan eller ikkje, isokronen blir lita.
- Punkt nær motorveg med kort tidsbudsjett. Isokronen blir uventa langstrekt.
Om det framleis ser feil ut, kontakt support med matrikkel eller koordinat, konfigurasjonen og venta mot faktisk verdi.
Sjå òg
- Analyse - marknadsanalysane i venstremenyen og dei geometriske 3D-verktøya i same verktøyrail.
- Nedslagsfelt - metodologi - definisjonane av nedslagsfelt, isokron og radius.
- Moglegheitsstudie - Fornebu-dømet saman med resten av tomtevurderinga.
- Rapport: Demografi - kven som bur innanfor flata.
- Oversikt - alle verktøya langs høgre kant.