Analyse

Analyse-verktøyet lèt deg teikne eit område på kartet og med ein gong få ut tal for bygningsmasse, arealutnytting og demografi. Det er ein rask måte å få kvantitativ støtte for ein hypotese ("kor høg er gjennomsnittleg BYA her?", "kor mange bur innanfor 400 meter?") utan å måtte gå inn på kvar einskild eigedom. Geometriske 3D-verktøy (dagslys, skugge, siktlinje med fleire) ligg i høgre verktøyrail og er tilgjengelege i 3D-modus.

Areal- og demografianalysar (analyse-menyen)

Klikk Analyser i venstremenyen for å opne analyse-menyen.

Tilgjengelege analysar

Analyse	Kva du får	Typisk bruk
Etasjar (bygg)	Etasjetal per bygg innanfor teikna område, med fargeskala og statistikk	Finne bygg med utbyggingspotensial
BRA m² (bygg)	Bruksareal per bygning i m²	Vurdere storleik på bygningsmassen i eit område
BRA% (tomt)	Bruksareal som del av tomtearealet	Identifisere underutnytta tomter
BYA% (tomt)	Utbygd areal som del av tomteareal	Kryss-sjekk mot BYA-løyvet i reguleringsføresegnene
Demografi (område)	Folkesetnad, aldersfordeling, inntekt, hushaldssamansetjing	Vurdere kjøpekraft og demografisk profil

Fargeskalaen på kartet er kalibrert dynamisk ut frå verdiane innanfor det teikna området: fargebruken er relativ, ikkje absolutt, og eignar seg for samanlikning innan området.

Arbeidsflyten

1. Klikk Analyser i venstremenyen.
2. Vel ein analyse frå lista i panelet.
3. Teikn eit område på kartet med eitt av teikneverktøya (sjå under).
4. Resultata blir viste i panelet og som farga overlay på kartet.
5. Juster eller teikn på nytt for å sjå korleis tala endrar seg.

Teikneverktøy

Verktøy	Funksjon
Peikar	Klikk ein einskild eigedom
Rektangel	Dra eit rektangel for å velje alt innanfor
Lasso	Teikn ei frihandsform for å velje alt innanfor

Nokre verktøy viser aggregerte tal direkte:

Geometriske analyseverktøy (høgre rail, berre 3D)

I 3D-visning kjem det fram seks ekstra ikon langs høgre kant av kartet.

Verktøy	Funksjon	Tilgjengeleg
Målingar	Mål avstandar og areal	2D og 3D
Dagslys	Visualiser dagslys på fasadar gitt tid og dato	Berre 3D
Skugge	Vis skuggekast frå bygg rundt	Berre 3D
Høgdeprofil	Teikn ei linje for terreng- eller bygningssnitt	Berre 3D
Siktlinje	Sjekk om to punkt har fri sikt	Berre 3D
Siktfelt	Synsfelt ("viewshed") frå eit punkt	Berre 3D

Slik brukar du eit 3D-verktøy

1. Byt til 3D ved å klikke 3D-knappen øvst i kartet.
2. Lukk eigedomspanelet dersom det er ope (X øvst): panelet dekkjer høgre verktøyrail.
3. Klikk bygget eller flata du vil analysere i kartet.
4. Klikk verktøyet i høgre rail.
5. Følg instruksjonane i panelet som kjem fram.

Konfigurer analysen

Kvart verktøy opnar sitt eige panel med parametrar:

Verktøy	Parametrane
Dagslys / Skugge	Månad, dag, klokkeslett. Animer over eit døgn for å sjå vandringa til sola.
Høgdeprofil	Teikn ei rute med eitt eller fleire punkt langs bakken. Profilen blir vist som diagram med eigne kurver for terreng og bygningar, og oppsummerer lengd, stigning, fall, min-, maks- og snitthøgd samt stigningsgrad.
Siktlinje	Plasser observatør og målpunkt; appen melder fri eller blokkert sikt.
Siktfelt	Vel observasjonspunkt. Synleg areal blir farga grønt, ikkje-synleg areal raudt. Synsfeltet kan setjast til 45°, 180° eller 360°.
Målingar	Vel Avstand (snøggtast Z) eller Område (X) og klikk punkt på kartet. Målte verdiar blir lista under «Dine målingar».

Typiske bruksscenario

Regulerings- og utnyttingsvurdering. Teikn området rundt ein interesseeigedom, kjør BYA% og BRA%, og samanlikn med føresegnene i kommuneplanen som kartlag for å finne tomter der utnyttinga er lav i forhold til regulering.

Dagslys til eit planinnspel. Bruk Dagslys og Skugge i 3D-modus for å dokumentere solforhold på ein fasade.

Siktanalyse ved nybygg. Kombiner Siktlinje og Siktfelt for å vurdere om eit nytt bygg påverkar innsyn til verneverdige siktpunkt.

Avstandssjekk. Bruk Målingar for å sjekke avstand frå hjørnet på bygget til regulert byggegrense.

Tips

• 3D-verktøya er ikkje synlege i høgre rail når eigedomspanelet er ope. Lukk panelet (X øvst) for å bruke dei.
• Målingar fungerer i både 2D og 3D og krev ikkje at du har klikka eit bygg.
• Dagslys og Skugge blir rekna ut geometrisk. For formell dagslysutrekning opp mot TEK17 § 13-7, bruk dedikerte verktøy som DIVA eller Velux Daylight Visualizer.
• Analysar krev ikkje prosjekt og er gode verktøy for eksplorativ snoking før du veit kva prosjekt noko høyrer til.

Skilnader frå v1

• v1 har Analyser som eitt menypunkt med teikneverktøy og resultat. Placepoint Fusion skil mellom areal- og demografianalysar (analyse-meny) og geometriske 3D-verktøy (høgre verktøyrail).
• v1 kallar verktøyet Solanalyse (dagslys og skugge kombinert). Placepoint Fusion deler det i Dagslys og Skugge som to separate verktøy.
• v1 plasserer Siktlinje og Siktfelt under 3D-designar. Placepoint Fusion plasserer dei i høgre verktøyrail under Analyse.
• v1 har snøggtastar (Q/W/E/R) for teikneverktøya.

Sjå òg

• Eksempel: Dagslys og skugge i 3D - steg-for-steg arbeidsflyt.
• Navigasjons-ikon - oversikt over alle knappar i høgre rail.
• v1 Analyser - fullstendig referanse med alle teikneverktøy og eksempel.