Tilknytingskø for kraft

Kapasitet i transmisjonsnettet som er bunden opp i Statnetts tilknytingssaker, samla per transformatorstasjon. Datasettet viser kor mykje kapasitet som er reservert eller står i kø på kvart punkt, kor mange saker som konkurrerer om same stasjon, største enkeltsak og neste planlagde tilknyting. Posisjonen til stasjonane kjem frå NVEs nettanlegg.

Statnett skil mellom saker som er førespurde, reserverte, sette i kapasitetskø og tilknytte. Køen inneheld berre kundar som er modne nok til å få plass, og eit prosjekt som har fått kapasitet på særlege vilkår står også i den ordinære køen.

For ein utviklar er dette eit tidlegfasefilter for kraftkrevjande prosjekt som datasenter, batterifabrikkar og elektrifisert industri. Ei tomt kan vere regulert og tilgjengeleg, og likevel vere uaktuell fordi kapasiteten på næraste stasjon allereie er bunden opp. Datasettet viser også kven som konkurrerer om same punkt, og kva næringar dei høyrer til. Inngår i Placepoints kartlag for energi. Tilstøytande: Nettanlegg, Ikkje utbygde nettanlegg, Transformatorstasjonar, master, stolpar og konsesjonar.

Punktet i kartet er transformatorstasjonen, ikkje tomta til prosjektet. Statnett registrerer sakene manuelt frå 2018 og framover, så manglar kan førekome.

Oppdateringsfrekvens: Dagleg.

Kjelde: Statnett, posisjon frå NVEs nettanlegg.

Slik blir datasettet vist i kartet

Datasettet inngår i kartlaget Energi. Kvar sirkel er ein transformatorstasjon. Storleiken følgjer bunden kapasitet i MW, og fargen viser kva stasjonen har mest av:

Farge	Tyder
Raud	Både kø og reservasjonar på same stasjon
Oransje	Saker i kø
Gul	Reservert kapasitet
Blå	Berre tilknytte saker
Grå	Historikk, alt er trekt tilbake

Klikk ein stasjon for å sjå bunden kapasitet fordelt på kø, reservert, tilknytt og tilbaketrekt, talet på saker, næringstypane som konkurrerer, største enkeltsak med kunde, neste planlagde tilknyting, prisområde og fylke.