Tilbakemelding

Placepoint Fusion har to måtar å gi tilbakemelding på: ein knapp du trykkjer sjølv, og ei kort spørjeundersøking som av og til dukkar opp. Begge er frivillige.

Tilbakemelding er ikkje det same som å få hjelp. Treng du svar frå eit menneske på eit konkret spørsmål eller ein feil, bruk direktechatten. Sjå Hjelp og støtte.

Gi tilbakemelding sjølv

Gi tilbakemelding ligg nedst i venstremenyen. Klikk han, så opnar det seg eit lite felt nede til venstre med overskrifta Gi oss eit tips, ris eller ros!. Skriv fritt om kva som helst: ein feil du har funne, eit sakn eller eit forslag. Send blir aktiv når feltet har tekst, og meldinga går til produktteamet vårt.

Bruk denne knappen når du sjølv har noko på hjartet, uavhengig av om ei undersøking har dukka opp.

Automatisk spørjeundersøking

Av og til dukkar det opp ei lita undersøking til høgre i skjermen. Ho spør om ein bestemt del av løysinga du nett har brukt, for eksempel "Kva synest du om fanene i objektpanelet?".

Undersøkinga har tre delar:

• Ei vurdering frå 1 til 5 stjerner.
• Eit valfritt tekstfelt for utfyllande kommentar.
• Ein Send-knapp, som blir aktiv når du har gitt ei stjernevurdering.

Vil du ikkje svare, lukkar du undersøkinga med krysset øvst til høgre. Det har ingen konsekvens.

Når ho dukkar opp

Undersøkinga er laga for å vere lite påtrengande:

• Ho blir først vist etter at du har brukt ein funksjon nokre gonger, ikkje første gongen.
• Kvar del av løysinga blir spurd om høgst éin gong. Svarar du eller lukkar undersøkinga, blir den delen rekna som ferdig og dukkar ikkje opp igjen.
• Ulike faner blir telde kvar for seg. Transaksjonar og Aksjetransaksjonar er for eksempel to skilde undersøkingar.
• Det går minst eit par dagar mellom kvar gong ei ny undersøking blir vist.

Sporinga ligg lagra per nettlesar. Byter du nettlesar eller maskin, kan ei undersøking du alt har svart på, dukke opp på nytt.

Svara går til produktteamet vårt og blir brukte til å prioritere forbetringar.