Kartbanken
Kartbanken er nettbutikken vår for kart- og prosjekteringsdata. Du teiknar området du treng i kartet, vel produkt og filformat, og får dataa leverte på e-post. Prisen blir rekna ut frå produkt og areal før du bestiller.
Kartbanken er i dag ei eiga løysing med eiga innlogging på kartbanken.propcloud.no. Butikken vart lansert i 2010 og har vore ein del av Placepoint sidan 2025.
Kven Kartbanken er for
Arkitektar, prosjekterande og rådgjevande ingeniørar som treng grunnlagsdata for eit konkret prosjektområde: terreng med høgdekurver, bygningar, vegar og eigedomsgrenser i eit format som blir opna rett i DAK- eller GIS-verktøyet. Éi bestilling dekkjer eitt område, og du betaler per bestilling. Brukarkontoen er gratis.
Produkt
Alle produkta kjem frå Kartverket. Du vel filformat per produkt, og kan ta med fleire produkt i same bestilling.
| Produkt | Innhald | Filformat |
|---|---|---|
| FKB m/ 1m høgdekurver | FKB, dei mest detaljerte kartdataa, med høgdekurver for kvar meter | Shape, DWG |
| N5K | Kartdata tilpassa målestokk 1:5 000 | Shape, DWG |
| N20K | Kartdata tilpassa målestokk 1:20 000 | Shape, DWG |
| Ortofoto 10 cm, 15 cm og 20 cm | Flyfoto med den oppgjevne bakkeoppløysinga | JPEG |
| Laser | Punktsky frå laserskanning | LAS, LAZ |
| EiendomEier | Eigedomsdata frå matrikkelen | Shape, DWG |
| Administrative grenser | Kommune- og fylkesgrenser | Shape, DWG |
| Postsoner | Postnummerområde | Shape, DWG |
| Digital terrain model 10m | Terrengmodell med 10 m oppløysing | DEM |
Shape blir opna i GIS-verktøy som QGIS og ArcGIS, DWG i DAK-program som AutoCAD og Revit. LAS og LAZ er punktskyformat; LAZ er den komprimerte varianten og gjev mindre filer. Er du usikker på kva format prosjektet treng, kan du krysse av for begge.
Prisen du ser før du bestiller, dekkjer disposisjonsretten til dataa frå Kartverket og sjølve leveransen. Han blir rekna ut frå kva produkt du har valt og kor stort området er, så det same produktet kostar ulikt for to ulike område.
Slik bestiller du
-
Logg inn på kartbanken.propcloud.no. Har du ikkje brukar, registrerer du deg der.
-
Finn området. Søk på adresse eller gate i feltet øvst til høgre, eller zoom i kartet.
-
Klikk Tegn polygon på kartet og klikk punkta rundt området. Klikk på startpunktet for å lukke figuren; peikaren snappar til det. Arealet blir vist under Tegnet område. Tegn på nytt startar forfrå.
-
Vel produkt og filformat i lista til venstre. Kryss av for fleire om du treng det.
-
Klikk Velg produkter for å fortsette. Du ser produkta du har valt og totalprisen.
-
Klikk Se gjennom bestilling. Øvst står prisen per produkt og totalprisen; under fyller du inn fraktinformasjon. Fornamn, telefonnummer og e-post er påkravd. Firmanamn og Din referanse bruker du når bestillinga skal fakturerast eit anna selskap enn ditt eige, til dømes eit prosjektselskap eller ein kunde.
-
Klikk Legg inn bestilling. Kvitteringa kjem på e-post, og det same gjer nedlastingslenkja når dataa er klare.
Tidligere bestillinger øvst til venstre viser alt du har bestilt før.
Løpande leveransar
Bestiller du dei same datasetta om igjen, kan du få dei som løpande leveranse i staden for éi bestilling om gongen. Vi leverer mellom anna FKB, data frå matrikkelen, maritime datasett og AIS-data for skipstrafikk som filer etter ein frekvens du avtaler med oss. Omfang, filformat og frekvens blir sett opp per kunde. Kontakt oss eller skriv til support@placepoint.no.
Kartbanken i Placepoint Fusion
Kjem snart
I Placepoint Fusion bestiller du kartdata for eit område rett frå kartet du allereie jobbar i. I dag bestiller du på kartbanken.propcloud.no.
Sjå også
- Kartlag: kartdataa du kan sjå i Placepoint Fusion utan å bestille.
- Data og kjelder: kvar dataa kjem frå og kor ofte dei blir oppdaterte.
- Kartverket: leverandøren bak alle produkta i Kartbanken.