Aktive kartlag
Eit kartlag du legg til, blir vist i Kartlag-popoveren øvst til høgre i kartet. Klikk Kartlag-knappen for å opne han. Popoveren viser alle aktive lag, med Legg til kartlag øvst for å leggje til fleire.
Slik aktiverer du eit kartlag
- Klikk Kartlag-knappen øvst til høgre i kartet.
- Klikk Legg til kartlag for å opne katalogen.
- Vel ein kategori i lista til venstre (t.d. Eigedom eller Demografi), eller søk etter eit lag øvst.
- Klikk Legg til på laget. Laget blir teikna på kartet med ein gong og dukkar opp i popoveren.
Slik styrer du eit aktivt lag
Kvar rad i popoveren har ein av/på-brytar til høgre som skjuler eller viser laget utan å fjerne det, og ein meny under dei tre prikkane:
| Val | Funksjon |
|---|---|
| Sjå teiknforklaring | Viser fargekodar og symbol laget bruker i kartet. |
| Fjern frå meny | Tek laget av kartet. Du kan leggje det til igjen via Legg til kartlag eller katalogen. |
Underlag
Mange kartlag består av fleire lag. Reguleringsplanar teiknar til dømes plangrenser, formålsflater, omsynssoner og påskrift som kvart sitt underlag, og Kommuneplanar har 14. Eit lag med underlag har ei pil framfor namnet og eit tal som viser kor mange av underlaga som er på. Klikk raden for å utvide ho.
- Kvart underlag har sin eigen brytar. Slå av dei du ikkje treng, så blir kartet lettare å lese.
- Eit underlag som sjølv har underlag, blir vist som ei gruppe med ein brytar som er på, av eller delvis på.
- Første gong du slår på laget, står underlaga slik laget er sett opp som standard. Nokre lag har berre eit utval av underlaga på frå start.
- Valet blir hugsa til neste gong du slår på laget.
- Teiknforklaringa følgjer underlaga du har på.
Kva for underlag kvart lag har, står under Underkartlag på kartlagsidene, og i detaljruta i katalogen. Tala for heile katalogen står i Placepoint i tal.
Om kartlaget
Hald peikaren over ei rad, så kjem ein i-knapp fram. Klikk han for å sjå kva laget viser, kven som leverer dataa, kor ofte dei blir oppdaterte, og ei lenkje til sida til laget her på hjelpesidene. Den same knappen ligg ved kvar overskrift i teiknforklaringa.
Data
Kjem snart
Infokortet får same Data-del som detaljruta i katalogen: kva dataa byggjer på, når dei sist vart endra hos kjelda, og kor ofte laget blir oppdatert. Kva linjene tyder, står under Kva Data-delen fortel.
Sjå også
- Kartlag - hovudkatalogen over tilgjengelege kartlag og kategoriar.
- Leverandørar - kven som leverer dataa i kvart lag.
- Navigasjons-ikon - alle ikon i toppmenyen og høgre kant.