Placepoint 3.0.26

Lansert 12. oktober 2026. Denne versjonen handlar mest om Sverige: eigne panel for svenske planar og bygglov, 26 nye kartlag og svenske data i panela. Samtidig er Filter opna for alle.

Nytt

Sverige

• Svenske detaljplanar, bygglov, byggrätter, markanvisningar og infrastrukturprosjekt har fått eigne panel. Panela har dokument, bilete og lenkjer begge vegar mellom prosjektet og fastigheten. Søk dei opp som eigne filtertypar i Filter og klikk deg inn. Dataa kjem frå Combify. Sjå Svenske leverandørar.
• 26 nye kartlag for Sverige frå Combify: detaljplanar, översiktsplaner, bygglov, markanvisningar, fastighetsgränser, kollektivtrafikk og DeSO-statistikk. Du slår dei av og på per kategori i kartlagveljaren, og eit klikk i kartet viser detaljane for det du trefte.
• Kartet i Filter grupperer svenske detaljplanar, markanvisningar og infrastrukturprosjekt i ruter med nøyaktig tal. Eit enkelt treff blir vist som eit eige punkt du kan opne.
• Eigedomspanelet, selskapspanelet, bygningspanelet og panelet for bueiningar skjuler faner og felt som ikkje har svenske data. Transaksjonar, TEK og ESG er merkte som ikkje tilgjengelege for Sverige enno.
• Energimerke og energimerke-oppsummeringa blir viste for svenske eigedommar. Sjå energiattest.

Filter for alle

• Filter er no tilgjengeleg for alle. Du vel felt for eigedom eller selskap og ser talet på treff endre seg medan du justerer. Du får treffa i kartet og i tabellen, og kan eksportere dei til Excel eller tagge dei. Filter erstattar Matching frå Placepoint 1. Alt som kom i førre versjon, mellom anna arealformål, bransje og bygningstype, står under 3.0.24.
• Ask AI finst i både eigedomsfilteret og selskapsfilteret. Beskriv det du leitar etter med eigne ord, til dømes «Vis meg alle big box-eigedommane i Oslo-regionen» eller «Gardeigarar i Oslo-regionen med svak økonomi». Då omset assistenten det til filter du tek i bruk med eitt klikk. Vi har samla forslag til spørsmål for begge filtertypane, og du kan lagre søket når det treffer. Spørsmål som går utover filteret, stiller du til Agenten.

Kart og 3D

• Aktive kartlag har fått eit eige redigeringspanel. Der filtrerer du laget på feltverdiar med histogram, intervall, dato eller valliste. Du kan også justere etikettar, blandingsmodus og bileteeffektar. Vala blir lagra per lag, og du kan tilbakestille til standarden for laget. Panelet verkar for alle kartlaga, også underlaga.
• Det nye kartverktøyet Takmodell viser taka på ein bygning flate for flate, med areal, helling og sannsynleg alder, i både 2D og 3D. Sjå bygningsalder for korleis alderen blir anslått.
• Reisetid i kartet går no opp til fire timar, mot to timar før, for alle ni reisemåtane.
• Når du klikkar i kartet og popupen eller panelet brukar litt tid på å laste, blir ein liten lasteindikator vist på punktet du klikka. Han følgjer med når du panorerer.
• Skjermbilete av skuggekast viser dato, klokkeslett og eigedom, så du ser kva skuggeberekninga gjeld.
• Innloggingssida og velkomstomvisinga svarer raskt også på tregare maskiner. 3D-byen i bakgrunnen tilpassar kvaliteten til maskina. Han viser eit stillbilete i staden for ein lastesirkel medan scena blir klargjord, og blir lasta først etter at du har logga inn. Sjå Systemkrav.

Datasett, taggar og eksport

• Du kan lime inn opptil 2 000 taggar om gongen når du legg til mange objekt på éin gong.
• Du kan velje fleire verdiar i same kolonne når du filtrerer radene i eit datasett.
• Alle medlemene i organisasjonen kan laste opp eigne ikon til stilsetjinga av eit datasett, også med æ, ø, å eller mellomrom i filnamnet. Sjå Medlemer.
• Eksport-dialogen føreslår korleis du kan dele opp eit stort uttrekk, og store eksportar blir fullførte utan tidsavbrot. Sjå Eksport og deling.
• PDF-rapportar blir lasta ned direkte i staden for å opnast i visninga i nettlesaren.

Agenten

• Agenten kontrollerer at eit analysesett ikkje er henta frå eit kartlag, så analysen ikkje byggjer på feil grunnlag. Sjå Kva Agenten kan.

Rettingar og forbetringar

• Filter viser ei feilmelding med «Prøv igjen» når søket feilar. Prikkane i kartet stemmer med tabellen når du filtrerer på bransje.
• Når du opnar ein svensk bygning, viser kartet fotavtrykket til bygningen i staden for å hoppe til Noreg.
• Vi kan no rette leigetakarar som Einingsregisteret har plassert på feil adresse. Då blir dei viste på eigedommen der dei faktisk held til. Sjå leigetakarar i ordboka.
• Bransjefordelinga for leigetakarar viser kvar bransje éin gong, med rett tal på tilsette.
• Profilmenyen, innstillingane og fleire varsel blir viste på språket du har valt.
• Pluss- og minusknappane i 3D zoomar i jamne steg mot midten av kartet, i staden for å hoppe heilt ned til bakken.
• Zoom inn-knappen står til venstre for zoom ut i kartverktøylinja.
• Talet på eit aktivt kartlag viser «Delkartlag som blir viste» når du held peikaren over det, så det ikkje blir lese som ein verdi frå dataa. Sjå Underlag.
• Utskrifter viser ikkje lenger teiknforklaringa som standard, og reisetid-rader er fjerna frå henne.
• Panelet for fleire datasett opnar rett kartlag frå katalogen når du klikkar på eit datasett.
• Eit talfilter i datasett med berre ein minimumsverdi held på verdien når du opnar filterdialogen på nytt.
• Eigarar med lik eigardel står i alfabetisk rekkjefølgje. Sjå Eigardel og heimelshavar.
• Talet på lokasjonar under Tilsette på Økonomi-fana blir bøygd rett, også for éin lokasjon.
• Innsiktskortet for transaksjonar heiter «Eigedomstransaksjonar».
• Statistikkoversikta for område viser eksakte formues- og inntektsverdiar i staden for avrunda tal. Sjå Inntekt og Formue.
• «Gje tilbakemelding» nedst i venstremenyen og den automatiske spørjeundersøkinga er fjerna. Har du innspel eller treng du hjelp, bruk chatten under Hjelp og støtte.
• Excel-eksport frå Taggar er sett på vent. I mellomtida kan du eksportere via Filter, som tek opptil 10 000 rader. Sjå Eksport og deling.

Anna nytt sidan 3.0.24

Hjelpesidene

• Kom i gang på ti minutt tek deg gjennom det første du gjer i Fusion, og Kvar finn eg …? svarer på kvar funksjonane ligg. Korleis gjer eg det? har fått åtte nye oppskrifter for funksjonar som er lette å oversjå.
• Personvern og databehandling forklarer rollene, databehandlaravtalen og underdatabehandlarane våre. Ordboka har fått GDPR, databehandlaravtale og aksjetransaksjon.
• Reisedistanse har fått eiga side, med alle ni reisemåtane og farten som ligg bak sykkel og gange.

Placepoint AI

• Placepoint AI kan setjast opp i Perplexity, OpenAI Codex og Cursor, i tillegg til Claude, ChatGPT og Microsoft Copilot Studio. Sjå Korleis installere.
• Standardinstruksjonane per bransje er skrivne om, med eitt døme per verksemd: bank, fond, utviklar, forsikring, meklar, advokat, arkitekt og kommune. Kopier det som liknar din eigen kvardag, og byt ut resten. Du finn fleire døme under Døme og tips.
• Kvar endring i Placepoint AI står med dato på Oppdateringar.