Oversikt over grensesnittet
Placepoint Fusion er eitt stort kart med ein smal venstremeny for å byte flate, kartknappar samla øvst til høgre, og verktøy langs høgre kant. Klikkar du ein eigedom, glir eigedomspanelet inn frå sida.
Venstremeny
Den smale menyen til venstre byter mellom hovudflatene. Øvst ligg kartet og dei flatene du brukar mest; nedst ligg invitasjon, tilbakemelding, hjelp, prosjektet og brukarkortet. Når vindauget er for lågt til å vise alt, blir resten samla under Alle funksjonar.
Video: menyen frå topp til botn
Videoen klikkar seg gjennom venstremenyen: Kart, Taggar, Datasett, Agent og Filter opnar kvart sitt panel, og nedst opnar prosjektknappen og brukarkortet menyane sine.
Varigheit: 59 sekund. Gi tilbakemelding og Hjelp er ikkje med: den eine opnar tilbakemeldingsskjemaet, den andre opnar denne dokumentasjonen i ei ny fane.
| Element | Kva flata gjer | Side |
|---|---|---|
| Kart | Sjølve kartet, utgangspunktet for alt | - |
| Taggar | Merk og filtrer eigedommar med eigne taggar | Taggar |
| Datasett | Last opp og vis eigne datasett, for eksempel butikklokasjonar | Datasett |
| Agent | Still spørsmål på ditt eige språk og styr plattforma | Agent |
| Filter | Finn eigedommar som treffer kriteria dine | Filter |
| Analyse | Areal-, demografi- og 3D-analysar | Analyse |
| Invite a colleague | Inviter ein kollega inn i verksemda | Invitasjonar |
| Gi tilbakemelding | Send eit tips, ris eller ros til oss | Tilbakemelding |
| Hjelp | Opnar denne dokumentasjonen | Hjelp og støtte |
| Prosjekt | Rediger, fjern eller byt prosjekt | Prosjekt |
| Brukarkort | Tema, Språk, Settings, Help og Log out | Innstillingar |
Kartlaga styrer du frå knappen Kartlag øvst til høgre, sjå Kartlag. Nedst i menyen opnar brukarkortet (initialane dine) ein meny med Tema, Språk, Settings, Help og Log out. Grensesnittet brukar lyst tema som standard, og finst også i mørkt og høgkontrast. Sjå Tema.
Kartknappar øvst
Søkjefeltet ligg øvst til venstre og dekkjer adresser, matrikkelnummer, selskap og personar. Sjå Søk. Ved sida av ligg Sist besøkt, som samlar panela du nyleg har opna.
Resten av kartknappane er samla øvst til høgre:
| Knapp | Funksjon |
|---|---|
| Zoom inn / ut | Pluss og minus, same som scroll |
| Kompass | Nullstill kartet mot nord |
| 2D / 3D | Byt mellom flatt kart og 3D-vising |
| Basemap | Vel bakgrunnskart |
| Map Layers | Opne og styre aktive kartlag |
Nokre knappetekstar blir førebels viste på engelsk medan omsetjinga blir gjord ferdig.
Bakgrunnskart
Basemap opnar eit panel der du vel bakgrunnskart: mellom anna Basis, Gråtone, Bilete (flyfoto), Hybrid og Landskap. Same panel har brytarar for Høg kvalitet, Same kart i 2D/3D og Matrikkelgrenser.
Kartlag
Map Layers viser kva kartlag som er aktive og lèt deg leggje til fleire via Browse layers, som opnar heile kartlagskatalogen. Sjå Kartlag for kva kvart lag inneheld.
Verktøy langs høgre kant
Langs høgre kant ligg verktøya som verkar på kartet. Hald peikaren over eit ikon for å sjå namnet, eller klikk pila nedst for å vise namna ved sida av ikona. Eigedomspanelet dekkjer rada når det er ope; lukk panelet for å bruke verktøya.
I 2D
| Verktøy | Bruk |
|---|---|
| Peikar | Klikk ein enkelt eigedom |
| Rektangel | Dra eit rektangel for å velje alt innanfor |
| Bokmerke | Lagre og hent stader og synspunkt på kartet |
| Skriv ut | Eksporter kartet som PDF eller bilete, med tittel, mål og målestokk |
| Skjermbilete | Last ned kartet slik det blir vist, som bilete |
| Min posisjon | Vis kvar du er i kartet. Klikk igjen for å slå av. Krev at nettlesaren får dele posisjon |
| Målingar | Mål avstandar og areal |
| Høgdeprofil | Teikn ei linje og få terrengprofilen langs henne |
Dagslys, skugge og sikt er gråa ut i 2D; dei treng bygningane i 3D.
Video: verktøya i 2D
Videoen held peikaren over kvart ikon, opnar Bokmerke, Skriv ut, Målingar og Høgdeprofil, og viser namna med pila nedst. Skjermbilete lastar ned ei fil og Min posisjon spør nettlesaren om lov, så dei blir berre viste med namn.
Varigheit: 59 sekund.
I 3D
Same rad, med tre endringar: Skriv ut er gråa ut, og to verktøygrupper vaknar.
| Verktøy | Bruk |
|---|---|
| Dagslys | Vis sollys på fasadane for ein gitt dato og eit gitt klokkeslett |
| Skugge | Vis skuggen omkringliggjande bygg kastar |
| Siktlinje | Sjekk om to punkt har fri sikt |
| Siktfelt | Vis kva som er synleg frå eit punkt |
Dagslys og Skugge ligg under solikonet, Siktlinje og Siktfelt under auge-ikonet: hald peikaren over ikonet og vel. Kvart verktøy opnar sitt panel med parametrar; sjå Analyse.
Video: verktøya i 3D
Videoen byter til 3D og opnar Målingar, Dagslys, Skugge, Høgdeprofil, Siktlinje og Siktfelt etter tur.
Varigheit: 1 minutt og 7 sekund.
Eigedomspanel
Klikkar du ein eigedom i kartet, opnar eigedomspanelet seg. Det samlar matrikkeldata, faner og hurtiglenkjer for éin eigedom. Sjå Eigedomspanelet for full gjennomgang.
3D-modus
Knappen 3D øvst til høgre vekslar til 3D. Bygg og terreng blir viste i tre dimensjonar, og kameraet kan dreiast, tiltast og zoomast. Juster navigasjon og 3D-yting under Innstillingar.
Hurtigreferanse
| Vil du... | Gå hit |
|---|---|
| Finne ein eigedom | Søk |
| Slå på eit tematisk lag (befolkning, støy, risiko) | Kartlag |
| Laste opp eigne data | Datasett |
| Lese data om ein eigedom | Eigedomspanelet |
| Måle, lage høgdeprofil eller sjekke sikt | Analyse |
| Sjå eit konkret eksempel steg for steg | Eksempel |
Sjå òg
- Om Placepoint Fusion - kva Placepoint Fusion er og korleis det skil seg frå v1
- Kom i gang - logg inn første gong
- Kartlag - temadata på kartet
- Eigedomspanelet - klikk ein eigedom og les ut faner